သီအိုရီ
*****
zero degree C မဟုတ်တဲ့အပူချိန်မှာတောင်
အေးခဲသွားစေနိုင်တဲ့ အကြည့် တစ်ချက်……ပေါ့ ……။

သူမ မျက်ဝန်းထဲက
လက်ဖြာနေတဲ့
အဲ့ဒီ စိန်ပွင့်တွေကြောင့် ခက်တယ် ………။

ကျွန်တော် အမှတ်တမဲ့ တွက်ချက်မိတဲံ့ပုစ္ဆာ ……
အဆုံးသတ် အဖြေ က ၁၅၀၀ …တဲ့ ……။

အမှား ဆိုရင်တောင်
နစ်မြုပ်သွား တဲ့ နှလုံးသားကို
အဖတ်ဆယ်ဖို့ အခွင့်ကုန်ဆုံးခဲ့ပြီ……လေ။

Charles' law ရဲ့ သီအိုရီ ကို

သက်သေပြဖို့

ကျွန်တော်နဲ့ သူမ ကို ညွှန်းဆိုပါရစေ……

ကျွန်တော့် အချစ်ထုထည်က များလေလေ …

သူမ ကြောင့် ကျွမ်းလောင်မြိုက်ခြင်းက များလေလေ………။

ဓာတ်ငွေ့တောင်မှ အပူချိန်တစ်ခုရောက်ရင်

ထုထည် ပျောက်ကွယ်သွားရသေးတာပဲ ……။

သူမ ရှေ့ရောက်ရင် ကျွန်တော့်မာနတွေ ပျောက်ကွယ် သွားရတာ မဆန်းတော့ပါဘူး ……။

ဟုတ်တယ်……

သူမ က ကျွန်တော့် မာန ထုထည် အတွက်

absolute zero temperature …

"ချစ်တယ် " ဆိုတဲ့ စကားကို

ဘယ်တော့မှ ညာမပြောခဲ့ဘူး ……။

ဘယ်ဓာတ်ငွေ့ဖြစ်ဖြစ်

ဘယ်လောက်များတယ်ပြောပြော

ထုထည်နဲ့ ဖော်ပြရင်အများဆုံး 22.4 cubic decimeter ထက်မပိုနိုင်သလို ……

ဘယ်နှလုံးသားပဲ ဖြစ်ဖြစ်

ဘယ်လောက် ချစ်တယ်ပြောပြော

ကိန်းဂဏန်းနဲ့ ဖော်ပြရင်

၁၅၀၀ ထက် မပို နိုင်ဘူး ...

…သီအိုရီအရပေါ့ …

သိပ္ပံနည်းမကျခဲ့တဲ့ ကျွန်တော်က

နှိုင်းပြ လို့ မရတဲ့ ကျွန်တော့်အချစ်ကို

တစ်ခါမှ ကိန်းဂဏန်းတွေနဲ့ မသတ်မှတ်ခဲ့ဘူး ……

ရူးတဲ့လို့ပဲ ဆိုချင်ဆို………

"အချစ်" ဆိုတာကို

ဓာတုဗေဒ တစ်မျက်နှာ လောက် မတပ်မက်ခဲ့ဖူးတဲ့် ကိုယ်………

………ခုတော့ ဓာတုဗေဒ စာရွက်တွေတောင် သူမကြောင့်

မျက်ရည်လေးတွေ ……စို……လို့။

ဒီလိုနဲ့ ……

သီအိုရီ တစ်ခု ထပ်ထုတ်မိတယ်……

" တူညီသော အပူချိန်နှင့်ဖိအားတွင် လူတစ်ဦး၏ နှလုံးသားသည် အချစ်ရှိခြင်း မရှိခြင်းတွင်မူတည်၍ ပျော်ရွှင်မှု အချိုးအဆ ကွာခြားနိုင်သည်……"

....

ဒီလိုနဲ့

ဓာတ်ငွေ့တွေနဲ့ ပျော်တဲ့ည ……

ပေါက်ကရ သီအိုရီ တစ်ခုရခဲ့တယ် ………:P

(သူများတွေလို ရှုခင်းလှလှဓာတ်ပုံလေးတွေမရိုက်တတ်သဖြင့် ဓာတုဗေဒ စာအုပ် ဖတ်ပြီး ပေါက်ကရစာ တွေရေးသည် :P :P )

WHP(ဝတ်မှုံလေး၏ စာအိမ်ငယ် )

Title -ဓာတ်ငွေ့များနှင့် အချစ်ကိုခံစားခြင်း:P